وزير الصحة السوداني يرد متحدياً الطبيب الذي انتقد إغلاق المستشفيات في وجه المرضى

الخرطوم : عين السودان

أثار انتقاد طبيب استشاري في مقطع فيديو عدم استقبال العديد من المشافي العامة والخاصة بولاية الخرطوم للمرضى، أثار حفيظة وزير الصحة السوداني د. أكرم على التوم، واصفاً إياه بأنه كان طبيباً للرئيس المعزول عمر البشير.

وتحدى “أكرم” الطبيب في تنوير صحفي اليوم، قائلاً: ( طبيب عمر البشير شخصياً طالما بتكلم وبطلع اشاعات الأطباء جُبنا وسابوا المحلات ومرقوا، اتحدى أي واحد فيهم من ناس النظام الفات يورينا انو هو كان بعمل في شنو لمن الناس كانو ثوار ويموتو في ميدان الاعتصام).

مضيفاً: ( واتحداهو ووزارهو الكان بدين ليهم بالولاء وعمر البشير بتاعو كان بعمل في شنو قُصاد الوبائيات دي واتحداهو الليلة يمشي يشوف الاغلبية العظمى بتاعت كل الكوادر الصحية اطباء ممرضين معامل بيشتغلو قدر شنو عشان ينقذوا المواطن بدليل الشكل الواضح بتاع انو حالات الوفيات، الاصابات ماشه زايدة حالات الوفيات تقريبا في حد أقل).

وكان الطبيب السوداني د.طارق الهادي الذي يعمل إستشاري الجهاز التنفسي وطب الطوارىء بالسلاح الطبي ومستشفي علياء، قد حذر في وقت سابق من خطورة الأوضاع بالمستشفيات، واصفاً الوضع بالكارثي، وأن هناك كارثة وجريمة ومصيبة تحدث في ظل عدم استقبال مستشفيات الخرطوم الحكومية والخاصة للمرضى، لاسيما من غير المصابين بكورونا.